OBRADOIRO

Obradoiro 35: Paisaxes é o último número da revista anual publicada polo Colexio Oficial de Arquitectos de Galicia (COAG). Tras doce anos de silencio, a revista regresa cunha identidade renovada para reflexionar sobre os novos contextos urbanos, ecolóxicos e sociais nos que os arquitectos galegos traballarán nas próximas décadas.

Este número sitúa o deseño da paisaxe e a planificación territorial como disciplinas centrais dentro da práctica arquitectónica. As paisaxes que nos rodean son espazos deseñados, estruturados pola actividade humana. Así como os arquitectos dan forma aos edificios e as cidades, tamén desempeñamos un papel fundamental na definición destas contornas. Recoñecer esta responsabilidade subliña a necesidade de coidar, organizar e desenvolver o territorio compartido de Galicia nun momento en que a súa fraxilidade é máis evidente que nunca, exposta polos maiores incendios forestais da historia da rexión, as transformacións visibles impulsadas polo cambio climático e a persistencia de prácticas extractivas.

Obradoiro 35 examina as intervencións en bosques comunais, zonas costeiras e masas de auga, así como en paisaxes agrícolas, forestais e de produción de enerxía. Faise fincapé no desenvolvemento de infraestruturas verdes urbanas que respondan os impactos do cambio climático e no papel do deseño paisaxístico na xestión de inundacións, incendios e perda de biodiversidade. Deste xeito, a publicación celebra a calidade e a diversidade dos proxectos paisaxísticos contemporáneos en Galicia, reafirmando este campo como unha área de actuación crucial para as xeracións futuras.

instagram.com/obradoiro.mag
GALICIA